Aktivitetar

LOM SENTRUM

Lom sentrum er ein av fem tettstader i Noreg som har status som nasjonalparklandsby. Lom sentrum blir på folkemunne kalla «Fossbergom» eller «Bergom».

BERGOMSRUNDA

Dette er ein triveleg rundtur på Fossbergom, der løypa tek deg gjennom alt som er å sjå i sentrum. Løypa er omlag 2,5 km lang, og du ser skilt rundt om kring. Startpunkt vel du sjølv. Du finn kart på turistkontoret, som du ser frå rundkøyringa.

 

LOM STAVKYRKJE

Kyrkja vår er ei av dei største stavkyrkjane i landet, og er frå år 1158. Kyrkja er open kvar dag om sommaren, og ved gruppebestillingar ellers i året.

NORSK FJELLSENTER

Besøkssenter for nasjonalparkanae Jotunheimen, Breheimen og Reinheimen. Her finn du utstillinga «Bergtatt» som har vunne pris for topp tre museum i Noreg. Ei utstilling som passar for både born og vaksne!

AKTIV I LOM

Prestfosstravers, aktivitetspark og fjellguiding.

Lom aktivitetspark byr på aktivitetar for born i alle aldrar. Her finn du klatrepark, klatretårn, gyrotrampoline, minigolfbane, og du kan leige kano og kajakk.  Meir info og opningstider finn du på aktivilom.no

Visit Jotunheimen har mange gode forslag til både sentrumsnære turar, og turar i dei majestetiske fjella rundt oss.
Gå inn på heimesidene visitjotunheimen.no og drøym deg bort!