Matkurshelg med Vianvang og BrimiBue

Velkomne til Lom! Vi tek i mot deg med enkel men raus kveldsmat på BrimiBue. Arne kjem, og saman tek vi ein prat om helga.

Fredag startar sjølvsagt med frukost, før vi sett i gang matkurset. Matkurset vil bli leia av Arne frå Vianvang, og Dan-Robin frå BrimiBue. Det blir sjølvsagt fleire smaksprøvar etterkvart i kurset, og mykje får du ete til lunsj.
Fredag ettermiddag kan du rusle deg ein tur på Bergom, ta eitt glas i restauranten, eller slappe av på rommet. Om kvelden serverar vi ein lang BrimiBu-meny.

Laurdag er det frukost, før bussen går til Vianvang. Dykk ruslar dei siste 600 metrane opp i tunet, der dykk møter Arne og resten av gjengen på tunet. Fyrste del av dagen blir brukt i nybygget på Vianvang – kulturscena. Det blir mat med Arne og resten av kokkane på Vianvang, og vin med Even Brimi. I løpet av dagen, tek vi ein rusletur rundt Vianvang, med bållunsj i røykjestugu.
Etter kurset er det tid for ei lita pustepause på Vianvang, før det er klart for ein tradisjonell Vianvangkveld.

Sundag venter ein lang frukost på BrimiBue, før vi takkar for nå og ynskjer dykk vel heim.

Passar ikkje datoane?
I tillegg til denne helga, har vi «Matkurshelg midt i veka» 29. oktober til 1. november. Same program, berre frå sundag til onsdag istaden. Du kan sjå «Matkurshelg midt i veka» her:

Program

Torsdag 2. november

Frå kl. 16.00 Ankomst og innsjekk på BrimiBue
18.00 Kveldsmat og prat om helga med BrimiBue og Arne Brimi

Fredag 3.  november

09.00 Frukost på BrimiBue
10.00 – 16.00 Matkurs og lunsj med Dan-Robin og Arne på BrimiBue
20.00 Lang meny på BrimiBue

Laurdag 4. november

09.00 Frukost på BrimiBue
11.00 – 17.00 Bussen går til Vianvang. Dykk ruslar dei siste 600 metrane opp i tunet. Dykk lærer meir om mat og vin i det nye huset på Vianvang – kulturscena. Smaking på mat med Arne og kokkane på Vianvang, og vin med Even Brimi. Rusletur rundt Vianvang, men bållunsj i røykjestugu.
18.30 Tradisjonell Vianvangkveld
22.30/23.00 Bussen går ned att til BrimiBue

Sundag 5. november

08.00 – 10.00  Frukost på BrimiBue
11.00 Utsjekk og heimreise

Med atterhald om mindre tidspunktendringar.

Praktisk informasjon

• Dersom du har matallergier/avvik, er det viktig at du melder frå om det før ankomst.
• Vi skal bruke mest tid innandørs, men hugs å ha gode varme klede og sko til rusleturen og bållunsjen laurdag.
• Opphald reknast som bekrefta ved innbetaling av depositum.
• Avbestilling er tillete 1 mnd før ankomstdato, men depositum blir ikkje attendebetalt.
• Matkurshelga varar frå torsdag til sundag.
• Pris kr. 9900,- per person i dobbeltrom. Prisen inkluderar alt i programmet, men drikke er ikkje inkludert.
• Ynskjer du enkeltrom kostar dette 750,- ekstra (250,- per natt).Booking direkte til brimibue@brimiland.no

Booking direkte til brimibue@brimiland.no

Velkomne til oss!